Technical Assessment • Abhorrent • • Disturbing • • • Acceptable • • • • Wholesome • • • • • Exemplary Moral Assessment + Poor + + Below average + + + Average + + + + Above average + + + + + Excellent CINEMA Rating Guide VA For viewers of all ages V13 For viewers age 13 and below with parental guidance V14 For viewers 14 and above V18 For mature viewers 18 and above NP Not for public viewing

Title: MASAKIT... HUWAG MONG IPILIT! Running Time:  90 min Lead Cast: Hazel Espinosa, Rita Magdalena, Jeffrey Gonzales, Francis Enriquez Director:  Angelito J. de Guzman Producer:  Shangten Screenwriter:  Angelito J. de Guzman Music: Joel Castillo Editor:  Nap Mateo Genre: Sex-Drama Cinematography:  Boy Anao Distributor: ATB-4 Films International Location:  San Jose, Nueva Ecija Technical Assessment:  • • Moral Assessment:  + + ½ CINEMA Rating:   For mature viewers 18 and above   Isang matagumpay na sales agent si Brian (Jeffrey Gonzales) sa kumpanya ng asawa niyang si Almira (Rita Magdalena). Ito rin ang tumulong para makapagtapos siya sa kolehiyo. Mahal ni Brian ang asawa at lagi inuunawa ang pagkukulang nito sa kanya, maging ang kawalang tiwala nito sa kakayahan niyang magpalakad ng kumpanya, kahit na ibinigay pa sa kanya ang posisyong vice president. Kaya naging masakit para sa kanya nang ipalaglag ni Almira ang kanilang anak dahil sagabal daw ito sa trabaho. Naiwan sa pamamahala ni Brian ang negosyo nang maaksidente ang asawa. Dito ay napalapit siya kay Cathy (Hazel Espinosa) na best friend atexecutive secretary ni Almira, at nagkaroon ng relasyon. Natuklasan ito ng asawa nang makita sila sa opisina na nagtatalik. Ano kaya ang gagawin ni Almira sa kanyang nakita? Tatanggapin kaya niya si Brian kung ito ay babalik sa kanya? MASAKIT…Huwag mong ipilit.. ay isa na namang pelikulang sa pamagat pa lang ay seks na ang temang tinutumbok. Mayroong maaaninag na magandang kuwento, pero dahilan sa mga eksenang seks at komedyang pampagulo lang naman, naaapektuhan ang sana'y maayos na daloy nito. Mapapansin na kulang pa sa karanasan ang cast sa pag-arte, bagama't kakikitaan ng potentialsina Hazel Espinosa at Rita Magdalena. Iwasan lang sana nila ang pag-oover-acting sa mga eksenang dramatic.Ang mga nabanggit na pagpuna ay hindi nangangahulugang wala nang iba pang kahinaan ang kabuuan ng pelikula. Maliwanag na ang panghatak ng MASAKIT…Huwag mong ipilit… ay ang mga artistang kilala sa pagganap sa mga sex movies. Kaya naman may ilang eksenang seks at pagpapakita ng maseselang bahagi ng katawan. Idagdag pa ang mga negatibong aral na makukuha tulad na lang ng magkaibang pananaw ng isang tao sa abortion, pagtataksil dahil sa kalungkutan, premarital sex ("tutal magpapakasal naman"), at pagsisinungaling para itago sa isang taong may karapatang malaman ang totoo. Bagama't may magagandang aral din na mapupulot sa pelikula katulad ng pagpapahalaga sa salitang "kasal" at "kaibigan", pagpapaubaya para sa kaligayahan ng iba. Ganun pa man walang mawawala sa iyo kung hindi mo ito mapapanood.    (Date reviewed: December 14, 2001)