Technical Assessment • Abhorrent • • Disturbing • • • Acceptable • • • • Wholesome • • • • • Exemplary Moral Assessment + Poor + + Below average + + + Average + + + + Above average + + + + + Excellent CINEMA Rating Guide VA For viewers of all ages V13 For viewers age 13 and below with parental guidance V14 For viewers 14 and above V18 For mature viewers 18 and above NP Not for public viewing

Title: HUBOG Running Time:  90 min Lead Cast: Assunta de Rossi, Alessandra de Rossi, Jay Manalo, Wendell Ramos Director:  Joel Lamangan Producer:  Ronald Monteverde Screenwriter:  Roy Iglesias Music: Jesse Lasaten Editor:  Tara Illenberger Genre: Drama Cinematography:  Romulo Araojo Distributor: Good Harvest Productions Location:  Manila Technical Assessment:  • • • Moral Assessment:  + + CINEMA Rating:   For mature viewers 18 and above   Nang sila ay maulila, ipinangako ni Vanessa (Assunta del Rosario) na hindi ihihiwalay sa kanyang piling ang kapatid na si Nikka (Alessandra de Rossi), isang dalagitang kulang sa pag-iisip. Kahit hindi angkop ang kapaligiran ng squatters area sa pag-hubog kay Nikka, ibig patunayan ni Vanessa sa DSWD na kaya niyang buhayin at gabayan ang kapatid. Dalawa ang mangingibig ni Vanessa, ang taxi driver at police asset na si Oliver (Wendell Ramos), at si Uno (Jay Manalo) na bodyguard ng isang pinuno ng sindikato sa Pier. Sino sa dalawa ang pipiliin ni Vanessa na magbibigay ng pagmamahal hindi lamang sa kanya kundi para rin kay Nikka? Sa kanyang pagpili, isang di-inaasahang trahedya ang naganap. Napapanahon ang pelikulang Hubog pagkat tinatalakay nito ang buhay sa lipunan ng mga mahihirap. Masinop na sinuri ni Lamangan ang buhay ng mga tauhan sa lipunang kanilang ginagalawan at matagumpay itong naisalin sa pelikula. Ang mga eksena sa squatters area ay likha ng isang mahusay na sinematograpiya at kahanga-hangang production design. Masasabing makasining ang mga sex scenes at makatotohanan ang pagtalakay sa buhay ng mga kriminal. Ngunit ang kahusayan ng Hubog ay ang pagkaganap ng magkapatid na de Rossi at pagkakadirihe ng dalawang ito. Malayo ang mararating ng magkapatid kung makasining at hindi exploitation ang paiiralin sa kanilang pagganap. Ang Hubog ay isang epektibong salamin ng exploitation ng mga mahihirap. Hindi ito kasaysayan ng iisang indibidwal kundi ng isang buong komunidad na nagnanais iangat ang antas ng kanilang buhay. Sinasagisag ng squatters area, na pinangyarihan ng kuwento, ang kapabayaan ng pamahalaan ang puwersa ng awtoridad at mayayaman, at ang kawalang pag-asa ng mga mahihirap na siyang nagtutulak na sirain hindi lang ang sariling buhay kundi pati ng mga taong nasa kapaligiran nila. Ang solusyon nila ay paghihiganti. Subalit ang karahasan at kamunduhan ay hindi laging bunga ng kahirapan. Sa lipunan ng mga mayayaman at edukado ay marami ding ahas. Sa kabila ng lahat ng patayan, pananakit at murahan, may isang katangi-tanging bagay na ipinakita ang kuwento: ang sakripisyo ng isang kapatid para manatili ang kanilang dignidad at maiangat ang kanilang sarili sa gitna ng kahirapan. Ngunit sayang at hindi ipinakita sa pelikula na ang kalutasan ng krisis o ang pag-papagaan ng isang problema ay nasa relasyon niya sa Panginoon…na ang pananampalataya sa Kanya ang magdudulot ng isang malalim na ligaya at kapayapaan upang siya sumulong sa buhay.   (Nirebyu: Disyembre 27, 2001)