|
Nagsimulang mag-prostitute si Marites (Barbara Milano) sa edad na trese anyos. Bagama't
ibinabahay na siya ni Samuel (Allan Paule) na namamahala sa koleksyon ng illegal gambling, kasintahan din niya si Ernie (Rodel Velayo) isang small time na
magnanakaw. Isang araw, tinawagan ni Samuel si Marites upang kunin ang bagay na itinago niya sa basurahan. Sa tulong ni Ernie ay natuklasan nila na ang bagay na nakatago ay
isang attaché case na may lamang halos isang-milyong piso. Para kay Marites, hulog ito ng langit para iwanan na niya ang pagbebenta ng laman at makapagbagong buhay.
Niyaya niya ang dalawa na sumama sa kanya. Nakumbinse ni Marites na sumama si Ernie, ngunit tumanggi si Aris dahil ayaw niya ng gulo tungkol sa pera. Makakamtam kaya ni
Marites ang kanyang pangarap, o magtatagumpay ang mga taong nautusan na bawiin ang pera?
May pupuntahan sana ang kwento ng pelikulang ito kung binigyan pansin lamang o hinimay ng
mabuti ang pagkakasulat. Halimbawa, sinira ang daloy ng kuwento ng isingit ang mga sex scenes na hindi naman kailangan. Meron ding mga eksena na hindi nadidevelop,
tulad nang kung bakit hinanting si Samuel ng mga kalaban at tuluyang napatay. Hindi rin makatotohanan ang pag-arte at ang mga diyalogo na pasigaw pa kung bigkasin. Nakakahilo
ang maraming eksena dahil sa magulo at malikot ang kamera.
Sa simula pa lang, eksenang sexual na ang nakikita na lantarang nagpapahiwatig na bold
film ang mapapanood. Ito ay nagpapatunay na mga walang patumangging paghuhubad. May eksena ring marahasna naging sobra naman dahil kung tutuusin ay napakabawbaw ng dahilan
para bigyang parusa ng ganoong katindi. Maraming sitwasyon din na namumulaklak ang paggamit ng salitang bulgar at bastos. Kung may nais mang iparating na values, gaya
ng mabuting relasyon ng magpinsang Ernie at Aris, ay natabunan na ito ng mga nabanggit na negatibong bagay. Kasama na rito ang kawalan ng tamang hustisya sa mga taong gumagawa
ng masama. Gusto mang magbigay nang magandang asal, ngunit naging malabo ang mensahe na ang pagkita ng madaliang pera ay wala namang kahihinatnang maganda.
(Date reviewed: November 29, 2001)
|
