Moral Assessment + Abhorrent + + Disturbing + + + Acceptable + + + + Wholesome + + + + + Exemplary Technical Assessment • Poor • • Below average • • • Average • • • • Above average • • • • • Excellent CINEMA Rating Guide VA For viewers of all ages V13 For viewers age 13 and below with parental guidance V14 For viewers 14 and above V18 For mature viewers 18 and above NP Not for public viewing

Title: I THINK I'M INLOVE Running Time:  105 min Lead Cast: Joyce Jimenez, Piolo Pascual, Nancy Castiliogne, Michelle Bayle, Gloria Romeo, Luis Gonzales Director:  Maryo J. delos Reyes Producer:  Lily Monteverde Screenwriter:  Jun Lana Music: Archie Castillo Editor:  Tara Illenberger Genre: Love/Comedy Cinematography:  Shayne Clemente Distributor: Regal Entertainment Inc. Location:  Manila Technical Assessment:  • • • Moral Assessment:  + + + CINEMA Rating:   For viewers age 13 and below with parental guidance   Si Kaye (Joyce Jimenez) ay hindi mayaman, ngunit siya'y kaakit-akit at siyang dinudumog na salesgirl sa isang perfume counter. Isa sa mga suki ni Kaye ay ang kanyang napapanaginipang guwapong mayamang playboy na si Jonas (Piolo Pascual). Pakyawan kung bumili ito ng pabango para sa kanyang maraming girlfriend, kung kaya't ng magkabukuhan sila sa counter ni Kaye, ay pinagsampal-sampal ng mga babae ang kawawang Jonas. Pinangaralan si Jonas ng kanyang kuya sa kanyang paglalaro sa mga babae, hanggang sa nauwi ito sa isang pustahan na hindi kaya ni Jonas na magkaroon ng isang makahulugang relasyon. At ang naging biktima ng pustahan ay si Kaye. Kaya ba ng isang simpleng Kaye ang mga larong walang pakundangan ng mayayaman? Nagtambalan dito ang "crush ng bayan" (Piolo Pascual) at ang "fantasia ng kalalakihan" (Joyce Jimenez) at maganda ang naging chemistry nila. Bagay sila sa kanilang mga papel, hindi OA at natural ang kanilang pagganap. Maayos din naman ang pagganap ng kanilang mga kasama, at minsan muling pinakita ni Gloria Romero ang walang kupas niyang kakayanan. Simple lang ang nakakatuwang love story ng dalawa at pihadong hindi kakaunting aliw at kilig ang idudulot nito sa kanilang maraming fans, maging bata o di na kabataan. Bukod sa pag-ibig ng magsing-irog, ipinakita din ng pelikula ang pagmamahalan sa pamilya, katulad ng magandang relasyon ni Kaye sa kanyang lola at ang pagpapatuloy ni Jonas ng charity work ng kanyang nasirang ama. Ganoon din ang walang sawang tulungan ng magkakaibigan sa oras ng pangangailangan. Nandiyan din ang pagpapatunay na kahit mga simpleng bagay tulad ng pagsakay sa karetela o pagkain ng fishball sa sidewalk ay maaaring magdulot ng kasiyahan. At ang pinakamahalagang aral sa lahat ay ang paggalang sa kababaihan at ang masamang maibubunga nito kapag ito'y hindi ginawa.. Ang babae ay hindi isang laruan na kunwari'y minamahal, at isasangtabi na lamang pagpinagsawaan. At lalong hindi puwedeng gamitin ang madamdamin nilang mga puso sa isang katuwaang pustahan. Maganda na sana ang daloy ng buong kuwento, kaya lang—bakit kinailangan pang isalarawan ang uso ngunit hindi tamang premarital sex?   (Date reviewed: June 14, 2002)