Moral Assessment + Abhorrent + + Disturbing + + + Acceptable + + + + Wholesome + + + + + Exemplary Technical Assessment • Poor • • Below average • • • Average • • • • Above average • • • • • Excellent CINEMA Rating Guide VA For viewers of all ages V13 For viewers age 13 and below with parental guidance V14 For viewers 14 and above V18 For mature viewers 18 and above NP Not for public viewing

Title: LIGAYA... PANTASYA NG BAYAN Running Time:  95 min Lead Cast: Halina Perez, Leandro Baldemor, John Apacible, Alma Soriano, Odette Khan, Harold Pineda, Lito Legaspi Director:  Arman Reyes Producer:  Cesar Aquino Screenwriter:  Dennis Evangelista Music: Editor:  Ben Samson Genre: Sex-Drama Cinematography:  Apolinar Cuenco Distributor: Leo Films Location:  Bataan Technical Assessment:  • ½ Moral Assessment:  + + CINEMA Rating:   For mature viewers 18 and above   Pansamantalang iniwan ng rebeldeng si Bernard (Leandro Baldemor) ang asawang si Ligaya (Halina Perez) upang harapin ang isang misyon. Sa kanyang pag-iisa, ang likas na mabait na si Ligaya ay nanatiling tapat sa asawa. Hindi niya pinansin ang tsismis na balang araw ay maghahanap siya ng ibang lalaki. Maraming pagkakataon din na naiwasan niya ang mga lalaking nais magsamantala sa kanya. Nabalitaan niyang napatay si Bernard ng mga pulis sa isang enkuwentro. Upang iwasan ang lungkot na dinaranas at ang masakit na panghuhusga ng mga taga San Bartolome, sumama siya sa dating kasintahang si Mark (John Apacible). Dito nagsimula ang masalimuot na buhay ni Ligaya. Patuloy pa rin ang ilan sa ating mga prodyuser sa paggamit ng pormulang 4H – halik, hubad, higa, hingal – tulad ng Ligaya… Pantasya ng Bayan. May kuwento sana at aral na mapupulot, pero nagdudumilat pa rin ang katotohanan na ito ay isang sex film. Mabilis ang editing ng buong istorya, pero hindi na-edit ang anim na napakahabang eksena sa pagtatalik. Magaling si Odette Khan sa kanyang papel at ang binatilyong si Rocky Ramirez ay tila may ibubuga sa pag-arte kung hahawakan ng isang batikang direktor. Nais ipakita ng kuwento ang masamang epekto ng maling paghusga sa kapuwa. At sa gitna ng mga intriga at tsismis, dapat lang na manatili tayong mapagkumbaba at mapagpatawad – tulad ni Ligaya. Sa loob ng 95 minuto ng pelikula, maraming eksena si Halina Perez na nasa kama – naghuhubad, nakikipagtalik, humahalinghing. Kung ang gumaganap ay kilalang bold star forever makikita pa kaya ng manonood ang mabuting aral sa kuwentong Ligaya… Pantasya ng Bayan? Maiisip pa kaya ng manonood na tingnan ang moral ng kuwento? Ang pagtatalik ay tunay lamang na nagiging marangal hindi lamang sa dalawang nagmamahalan kundi sa dalawang pinagsama ng Diyos sa kasal. Malinaw na ginamit si Halina upang makahatak ng mas maraming manonood. Nakakabagabag ang eksenang ayaw patuluyin sa kapilya ng mga tinatawag na "tagapangalaga ng moralidad" ang isang makasalanang GRO. Samantala, paglalasing o suicide ang itinuturo ng kuwento bilang solusyon sa isang mabigat na problema. Hindi nakakahinayang kung hindi mo mapapanood ang pelikulang ito.   (Date reviewed: May 31, 2002)