|
Kasalukuyang hinahanapan ng kalutasan ng grupo ng mga pulis imbestigador sa pangunguna ni
Randy (Rudy Fernandez) ang krimen ng seryeng pagpatay sa mga pari, madre at pulis. Makakatulong nila sa imbestigasyon ang psychic-manghuhula na si Paula (Rufa Mae
Quinto) na matagal ng may crush kay Randy. Biktima rin ng pamamaslang ang kapatid na madre ni Paula. Samantala, nilapitan din ng hepe ng pulisya ang Psychiatric na
si Dr. Franco upang makatulong sa paglutas ng kaso at sa tulong ni Paula ay matutuklasan nina Randy na siya pala ang pinuno ng kultong Satanista at may kagagawan sa mga krimen
ng pagpatay.
Ang pelikula ay isang ordinaryong pagtalakay ng paglutas ng mga pulis sa krimen ng patayan na
nilagyan ng konting love story at pagpapatawa, at umaaktibong bugbugan at barilan. Simple lamang ang inilapat na tunog subalit magaling ang kaakmaan nito sa mga eksena.
Hindi naman masyadong nabigyan ng sining ang sinematograpiya at kulang sa balanse ang mga kuha ng kamera. Maayos naman ang editingkung consistency ng istorya ang
pag-uusapan at hindi naman masyadong nangangailangan ng effort sa pag-arte ang mga nagsiganap.
Walang hihigit pa sa halaga ng buhay ng tao, kaya dapat lang maging pangunahin sa lahat ang
pangangalaga nito kahit sa pelikula. Sa Huli Mo, Huli Ko ang mga inosenteng tao na tapat na naglilingkod sa Diyos at sa batas ay isa-isang pinapatay sa paraang marahas.
Hindi magandang tingnan ang close-up ng mga malapitang pagpatay at matagal na kuha ng nakatarak na punyal sa lalamunan. Ang mga pulis naman ay nangangailangan pa ng
isang pipitsuging manghuhula at propesyonal na psychiatrist para malutas ang kaso. Ang tanging nakakagiliw sa panoorin ay ang magandang samahan ng mga pulis at ang
komikang tatak ni Ruffa Mae ng pagdeliver ng kanyang mga diyalogo.
Sa kabuuan ay walang masyadong inihahain ang pelikula at lubhang nakakabahala ang marahas na
pagpapakita ng patayan.
(Nirebyu: Enero, 3, 2003)
|
