Usa ka higayon niana ang Ginuo midayeg sa Amahan kay gitago niya gikan sa mga maalamanon ug mga ningtuon niini ang dako nga misteryo sa Anak —bisan og nahibalo sila niini—, ug gipadayag ngadto sa mga gagmay nga mga tawo, sa mga walay mga kahibalo, walay kultura. Kanila gipadayag niya kining habog nga misteryo.

Niini ang Ginuo yano nga naglarawan sa usa sa mga kamatauod sa kinabuhi: usa ka kamatuod nga misugod na sa adlaw sa iyang pagkatawo diha nga mga Maalamon gikan sa Sidlakan nangutana sa mga nahibalo niining mga butanga, mga eskriba ug mga tigtuon sa Kasulatan, kon asa matawo ang Manunubos, ang Hari sa Israel.

Ang mga eskriba nahibalo niini nga nisulti gilayon asa matawo ang Mesiyas: sa Bethlehem. Apan wala sila mubati nga gidapit sila pag-adto didto: nagpabilin lamang sila diha sa kasinatian sa ilang salabotan, nga wala magtandog sa kinabuhi; nipabilin sila sa gawas sa misteryo sa kaluwasan.

Makahatag sila og mga information nga wala mabalhin sa pagka formation sa kaugalingon nila nga kinabuhi.

Human niini sa publiko nga kinabuhi sa Ginuo atong mamatikdan ang susama nga butang. Sa mga nagtuon pag-ayo ug mga maalamanon nisangpot nga dili sila makasabot nga kining tawo nga walang-alam, Anak sa Dios.

Kanila dili madawat nga ang Dios, ang Habog Kaayo, ang mao ra nga Dios, ang Dios sa langit ug sa yuta, mahimo nga anaa usa ka tawo. Nahibalo sila niini gikan sa mga Propeta sama sa Isaías 53, apan ang misteryo nagpabilin nga natago.

Lahi niini, gipadayag kini sa mga gagmay, gikan sa Birhen ngadto sa mga mangingisda sa Galilea. Nahibalo sila niini, nahibalo niini ang Centurion nga Romanhon sa tiilan sa Krus: "Kini ang Anak sa Dios," miingon siya.

Ang batakan nga mga nanghitabo sa kinabuhi ni Jesus dili lamang iyaha sa niagi na kon dili atoa usab kini karon, sa lainlain nga matang sa tanan nga mga kaliwatan.

Sa ato usab nga kapanahonan karon, sa miagi nga mga dosientos nga mga tuig, atong makita ang mao lang gihapon nga butang. Anaay mga habog nga mga especialista sa Kasulatan, gani mga habog nga mga teologo, magtutudlo sa pagtuo, nga nakatudlo kanato og daghan nga mga butang. Apan ang batakan nga butang nagpabilin nga natago sa mga mata sa kasingkasing ug ang misteryo wala mabuksi.

Apan hinuon sa atong kapanahonan karon usab anaay mga gagmay nga nakakat-on niining mao nga misteryo. Sama pananglitan kang Santa Bernardita Soubirous; kang Santa Teresa de Lisieux, Santa Josefina Bakhita, Beata Teresa de Calcuta, San Damián de Veuster. Ug naa pay daghan.

Anaa say "matang" sa mga gagmay nga maalamanon usab. Sa tiilan sa Krus anaa ang Birhen Maria, ubos nga ulipon sa Dios. Anaa si San Juan, mananagat apan nikat-on pag-ayo sa misteryo sa Dios. Anaa si San Pablo, ang banggiitan kaayo, nga nikita nga kaalam ang "binuang sa Dios".

Sa pagpaabot sa Pasko pangayuon nato sa Ginuo nga muhatag siya kanato sa matuod nga pagpaubos, matuod nga pagkabata pagsabot gayod sa tinuod nga misteryo sa Pasko.