Gikan sa Dakbayan sa Ozamiz sa 11 sa Julio sa 2007.

Ang Pagpabalik sa Misa nga Linatin

_Samtang Latin ang sinugdanan nga pinulongan sa duruha sa liturhikanhon nga mga teksto niini nila, ang Bag_ong Han_ay nagtugot sa paggamit sa kaugalingon nga pinulongan nga gigamit sa kasagran nga mga katawhan.

_ Gawas lamang sa mga Pagbasa alang sa mga Pangilin ug sa tinagsa nga mga Santos, ang Misa ni Papa Juan Beintetres adunay usa ka tuig nga han_ay sa mga pagbasa gikan sa Balaan nga Kasulatan. Ang Misa ni Papa Pablo Sexto adunay han_ay sa mga Pagbasa sulod sa tulo ka tuig alang sa mga Domingo ug duha ka tuig alang sa semana. 

_ Ang karaan nga rito sa pagsugod pagpaandam alang sa kasaulogan nga ginganlan kanhi og "mga Pag_ampo sa Tiilan sa Altar," nga gipangadye sa mga pari ug sa mga nag_alagad sa altar nga ginganlan kanhi og mga kolitos, giilisdan sa rito sa pagbasol sulod sa Misa nga gipangadye sa tibuok nagkatigom nga pundo.

_ Sa Misa ni Papa Juan Beintetres, ang unang katunga sa lituhiya ginganlan og ang Misa sa mga Katekumenos ug halos sa tanang panahon nag_apil og pagbasa gikan sa usa sa mga Sulat sa Bag_o nga Testamento ug gikan sa usa sa upat ka mga ebanghelyo. Ang Misa ni Papa Juan Beintetres, nunot sa karaan nga tradisyon sa Simbahan, halos kanunay nagsugod og pagbasa sa usa ka gikutlo gikan sa Karaan nga Testamento.

_ Ilis sa usa ra nga Eukaristikanhon nga Pag_ampo sa Misa ni Papa Juan Benitetres, sa Misa ni Papa Pablo Sexto, aduna nay siyam ka mga Eukaristikanhon nga Pag_ampo __ upat alang sa mga Misa sa Domingo ug sa mga Misa sa semana, duha alang sa pagtutok sa pakighiuli ug tulo alang sa mga Misa sa mga bata

_ Sa Misa sa Bag_ong Han_ay ni Papa Pablo Sexto, ang Pagkalawat gihimo nga mas simple ug gitugotan ang pagkalawat ubos sa mga bayhon sa pan ug sa bino.

_ Ang pari nga nagsaulog sa Misa ni Papa Juan Beintetres nag_atubang sa sidlakan, nga gisimbulohan sa Krusipiho ibabaw sa tabernakulo kanhi, nga nagapasabot nga ang nagkatigom nga nagsimba nga pundok nag_atubang usab niini uban kaniya. Sa pagpatuman sa Misa sa Bag_ong Han_ay ni Papa Pablo Sexto, ang pari kasagaran nag_atubang sa nagkapundok nga nagsimba.

      All the teachings in these pages are for the instruction of the faithful of the Particular Church in Misamis Occidental, Philippines
                       dosado@ozamiz.com