"No say Dios et kaiba tayo, siopay makasumlang ed sikatayo?" Diad sayan kuaresma, komon say Dios so walad puso tan kanunotan tayon lanang. Ta saya so labay ya nagawa na Dios, tan saya met balet so mabetbet ya nanalingwanan tayo. Ta say peteg tan tua, no ngal-ngali tayo ag nanunutan so Dios, ngal-ngali met ya agtayo manmatalek ed Sikato. Panon yan nagawa ed sikatayo? Diad karakel na problema, diad saray inagew-agew ya panpapagaan tayo: say panaanap na bilay, say panpapabaleg ed anak, say panaasikaso na pamilya tan arum nira, saraya so baleg ya walad kanunutan tayo. Sarayan panpapagaan tayo. Lapud sarayan nanduroman bengatla, say Dios so mabetbet ya naipipireg. No onya lan onya, ag mabayag, onarawi tayod sikato, mas mainomay ya ag natumbok so ganggan to, saray bangat na Katawan, tan mas mainomay ya ikompromiso tayo so pananisia tayo.

Sikato ya so kabaliksan na kasalanan: no sikatayo la so onaakar ya paarawi ed say Dios lapud say kakulangan na talek tayo ed sikato. Say kasalanan so uusaren na dimonyo pian sikatayo so naaripen to, samalan so puso tayo, pabilongeten to so kanunutan tayo, tan arawian tayo so Dios a Katawan tayo. Balet, aliwan saya so labay na Katawan ed sikatayo. Diad say kumadwan babasaen, inkuan nen San Pablo: "No say Dios et kaiba tayo, siopay makasumlang ed sikatayo? " If God is for us, who can be against us?"  Say peteg ya kabaliksan no akin et say Katawan ed inatey tan inmolid bilay et say Dios so kaiba tayo, para sikatayo. He is entirely for us. Si Jesuskristo, say Anak na Dios ya nagmaliw a too, so nanirap tan inatey ed krus aliwan lapud sikato so nankasalanan no ingen lapud sikatayo so nakasalanan. Onya so kabaleg na panangaro na Dios ed sikatayo. Saya so kabaliksan na panangasi na Dios ed sikatayon amin.

Kanian no agtayo lingwanan ya say Dios, diad pakapanyari to tan say agnatukor a panangasi to, et kaiba tayo, and He is for us, amin irayan panpapagaan, amin iran pangogonigonan tayo so naitdan a balon pakanengneng tan kabaliksan. Lapud sikatayo so manmatalek ed say Katawan, natumbok tayo anggan iner so pangiyakaran na Dios ed sikatayo. Si Abraham diad istorya ed unaan a babasaen so nanmatalek ed say Dios. Inabuloyan toy Dios ya mangawit ed sikatayo anggad diad palandey ya pangibagatan toy bogbogtong ya anak ton si Isaac. Ontan met diad Ibanghilyo, nen si Jesus so a-transfigure tan nansalat na neng-neng to ed tagey na palandey, say bosis na Ama so nangel ya onya: "Sikato yay inararok ya Anak!" Kanian diad talek na Anak ed say Ama, inawat nen Jesus so krus to, say dalan ya mamaarap ed glorian pakatalo na say kasalanan tan patey.

Daid sayan kuaresma abuloyan tayo'y Dios a Katawan ya awiten to itayo met ed palandey to. Tan manmatalek tayo, agto itayo itulak odino paolyan diman. Panon tayon naipaneng-neng tan napaletan iyan panagmatalek ed Sikato? Unaan, wala ray parte na bilay tayon kekerewen na Katawan ya ibagat tayo ed sikato balet agtayo labay ya iter lapud kakulangan na talek ed sikato. Mabetbet ya say problema na pamilya et ombabaleg tan mas lalon makakaderal na aroen lapud, imbes na tumboken so linawa na Katawan, a singa say panamerdona odino panagpaabeba, et agtayo gawaen. Balet to manmatalek tayo ed sikato tan tumboken tayo so ganggan to, kaiba tayo so Katawan. He will be entirely for us. Then who can be against us? Kumadwa, make an act of trut diad saray panaon na kairapan tan panpapagaan. Saya et sakey labat a simplen dasal ya gawaen ed puso tayo: "Jesus, I trust in You". Sika Katawan so makaamta, ipaneng-neng mod siak no anto so gawaen ko. If God is for us, who can be against us? Ontan pa komon. Amen.