Liket tan say ligliwa na bilay so atongtong na Katawan ed arap na dakerakel a totoo diad sakey ya palandey. Tan sarayan ondedengel ed sikato et dakerakel ed sikara so walad kairapan na bilay, mansasakit, maneermen. Kanian, siguro nen nangel da so "sermon" na Katawan nipaakar ed saray "Beatitudes", sikara so mankelew tan abigbigla. Unong ed say Katawan say liket tan gayaga et nipaakar ed say kairapan, "struggle", "hardship", "suffering" ta "opposition". Inkuay Katawan: Maliket iray mairap bilay. Maliket iray mannangis. Saray narasan. Saray bosul-bosulen. Ipolpolisay, pabpabaingan. Balet para sikatayo saraya et aliwan nipaakar ed liket tan ligliwa. Ta lapud para sikatayo say liket tan ligliwa tan gayaga na bilay et naalmo ed kayamanan, populatarity, prosperity. Anto sirin si kabaliksan na sayan Beatitudes?

Unaan, ag ibabaga na Katawan ya saray kamaungan tan ligliwa tayo diad sayan mundo et maoges. Ingen say peteg et saraya et "gifts" na Dios ed sikatayo tan saraya et pan-enjoy an tayo. A singa, abong o kawes, o anggan daiset ya kwarta o alahas, masasamit ya panangan. Aliwa ran makapaoy iraya. Say ibabaga na Katawan so onya: anggaman maong iraya, aliwan saraya so makapangiter a nagnap a liket. They cannot satisfy our desire for happines. Kanian, no iter tayo so talek tayo ed sarayan, a singa imbaga nen Propita Jeremias ed unaan a babasaen, say bilay tayo so namagaan tan angapoy kakanaan. A singa sakey ya tanman ed desierto: anggapoy lamot. Anggapoy bunga.

Onya sirin so ibabaga na Katawan: ibabangat tod siktayo ya say twan dalan ya mamaarap ed liket tan gayaga o happines ed sayan mundo et apano na hardships tan challenges. Say mundo so aliwan perfecto. Sayan mundo et napalabas. Tan no iter tayo so talek tayo ed sayan mundo tan dia labat, say bilay tayo et walay kulang to, tan agbalot naitday kagnapan. Say ibabaga na Katawan: say saksakey ya panmatalekan tayo ed bilay tayo et say pikakaaro tan pikakasakey tayo ed say Dios a Katawan.

Agtayo komon lingwanan unong ed sayan Beatitudes: agtayo naalmo so peteg tan twan tawen diad mundo. Ta lapud say amta tayo et no naalmo tayo so twan combination na kayamanan, dayew tan pakapanyari, say nagnap ya liket so nagamuran tayo. Andi, manaya. Saya so imbaga na Katawan. Say dalan na beatitudes so onya: say Dios so walad unaan ya lanang. Seek the love of God above all else. Say twan liket so ag naalmo ed kayaman, pakapanyari tan liket ya iter na mundo, anggaman antoy kamaungan ya naiter da ed sikatayo. Balet diad Dios labat so sobol na twa tan peteg ya kamaungan tan panangaro. Diad Dios so panmatalkan tayo. Tan say sobol na twa tan andi-anggaan ya liket tan ligliwa. Ontan pa komon. Amen.